Audi E-Tron е автомобилот на идната

Дејан Соколоски

во Вести

Куп електроника, од камери наместо ретровизори, до дисплеј таблети се одлика на новиот електричен автомобил на Audi.

Теренското возило Audi E-Tron доаѓа со камери наместо ретровизори. Камерите може да се поместат, но и да се зголеми и намали зумот. Потоа наместо надвор, сликата се прикажува на OLED дисплеј внатре, на вратата, веднаш под камерата. Камерите и дисплејот се вклучени постојано и во реално време ја пренесуваат состојбата на патот.

Еден од недостатоците на технологијата е што има далеку повеќе простор за расипување за разлика од традиционалното огледало кое е составено од едвај неколку делови.

Заменувањето на поголемите огледала со малечки камери носи предност и кога отпорот на воздухот е во прашање. Поради ова Tesla уште во 2013 година ги отстрани ретровизорите од Model X, вели Electrek.

Цената на E-Tron ќе биде околу 89 000 долари.