Apple Music „пристигна“ во Македонија

Сервисот за музика на Apple, Apple Music од денес е достапен во 52 нови држави, а веста која сите корисници на iPhone ја чекаа е дека една од овие држави е и Македонија. Со ова сите љубители на музиката легално и без различни „трикови“ ќе можат да слушаат музика на својот телефон.

Во Европа покрај во Македонија, Apple Music ќе можат да го користат и жителите на Исланд и Хрватска. Од денес Music е достапен и во овие држави:

Африка: Алжир, Ангола, Бенин, Чад, Либерија, Мадагаскар, Малави, Мали, Мавританија, Мозамбик, Намибија, Република Конго, Сенегал, Сејшели, Сиера Леоне, Танзанија и Тунис.

Азија-Пацифик: Бутан.

Латинска Америка и Кариби: Бахамите, Гвајана, Јамајка, Монтсерат, Света Луција, Сент Винсент и Гренадините, Суринам, Турците и Каикос и Уругвај.

Близок Исток: Кувајт, Катар и Јемен.

Океанија: Соломонски острови.

Освен Apple Music на нови пазари пристигаат App Store, iCloud, Apple Podcasts и Apple Arcade. Овие сервиси од денес се достапни во 175 држави, а со последното додавање се покриени сите држави од регионот.

Најновите држави во ова семејство се: Камерун, Брегот на Слоновата Коска, Демократска Република Конго, Габон, Либија, Мароко, Руанда, Замбија од Африка; Од Азија-Пацифик: Малдиви и Мјанмар; од Европа: Босна и Херцеговина, Грузија, Косово, Црна Гора и Србија; од Блискиот Исток: Авганистан и Ирак и од Океанија: Науру, Тонга и Вануату.

Со додавањето на новите пазари Apple ќе обезбеди поголема заработка од сервисите за кои компанијата се надева дека ќе помогнат за зголемување на приходите на компанијата.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии