Apple и Google започнаа со нотификациите за опасност од изложеност на SARS-CoV-2

Минатиот месец Apple и Google ја објавија соработката на технологија која ќе овозможи следење на контактите и известување доколку некој е заразен со коронавирус. Оваа недела технологијата официјално започнува да функционира.

Како и повеќе слични апликации технологијата преку Bluetooth ги следи контакти на растојание од 2 метри. Ако некој е позитивен на коронавирус ги алармира корисниците и директно од телефонот оваа информација доаѓа до другите корисници. Податоците за лицата со кои некој корисник бил во контакт никогаш не го напуштаат уредот на корисникот. Надвор од телефонот на корисникот е единствено ID-кодот се кој се идентификува секој корисник.

„Она што го креиравме не е апликација – наместо тоа, јавните здравствени агенции ќе го вклучат апито во сопствените апликации кои луѓето ќе ги инсталираат. Нашата технологија е дизајнирана да овозможи овие апликации да работат подобро.

Секој корисник ќе може да одлучи дали ќе се приклучи; системот не собира и не користи локација од уредот; и ако некое лице е дијагностицирано со ковид-19, од нив зависи дали ќе се пријават или не во апликацијата на јавното здравство. Прифаќањето на корисниците е клучно за успехот и веруваме дека со оваа силна заштита на приватност е најдобриот начин за поттикнување на прифаќањето на овие апликации, велат претставниците на Google и Apple.

За разлика од централизираниот модел во овој случај телефонот на лицето кое е позитивно го испраќа својот ID до централизирана база на податоци. Системот ја испраќа базата до телефоните на сите корисници, ако контактот на позитивно лице постои и на телефонот, тој корисник добива известување дека некој од неговите „контакти“ е дијагностициран со коронавирус.

Двете компании тврдат дека алатката е изработена по најстроги стандарди за заштита на приватноста на корисниците. Државите кои имаат апликации ќе можат да ја имплементираат технологијата за следење, а апликациите на различни држави ќе бидат интероперабилни, односно, нема да има разлика помеѓу различни апликации.

Интероперабилноста е голема предност, но не е и најголемата. Доколку има голема прифатеност со апликацијата ќе може да се следат сите контакти. На пример ниту сега не е тешко да се следат контактите со семејството или со персоналот во продавница, со апликацијата ќе може да се следат и случајните контакти.

Засега 22 држави на пет континенти имаат пристап до API-то. Apple и Google не открија кои се државите кои ја тестираат апликацијата.

Она што е најважно е дека апликацијата сама по себе нема воопшто да помогне. Потребно е граѓаните да гои прифатат овие апликации и да се користат во што е можно поголем број. За да има поголем ефект апликацијата треба да ја користи 60 отсто од населението. За ова да се оствари граѓаните мора да знаат дека нивните податоци се безбедно.

Во оваа фаза е достапно API, а во следната фаза Goole и Apple ќе интегрираат апликација за следење на контактите во своите оперативни системи. Ова е најавено за годинава, но од претходно компаниите дека период за оваа функционалност е есента.

Она што е интересно е дека технологијата има „рок на траење“. Поточна како што државите ќе излегуваат од епидемија, така и Google и Apple ќе ги исклучуваат овие функционалности.

За пандемијата на коронавирусот COVID-19

Ажурирано на 25/03/2020

Што е коронавирусот COVID-19?

COVID-19 (коронавирусна болест 2019) е нова заразна вирусна дишна болест предизвикана од новиот коронавирус SARS-CoV-2. Името го добива по „боцките“ на неговата површина кои изгледаат како круна (корона). Коронавирусите можат да заразат и животни и луѓе и да предизвикаат симптоми што се движат од лесна настинка до тешка, животно загрозувачка пневмонија.

Колку е заразен вирусот?

Вирусот е екстремно заразен и се пренесува многу лесно од човек на човек, особено во затворени површини. Се пренесува по капличен пат - во мали капки кои ги прави заразениот човек кога дише, зборува, кашла или кива.

Каде е проширен вирусот?

Почнувајќи од првата епидемија во Кина, од декември 2019 до денес вирусот е проширен во над 140 земји, има заразено најмалку 462.000 луѓе и предизвикано над 20.800 смртни случаи. Според Светската здравствена организација се работи за пандемија. Моментално Европа и САД се соочуваат со нагол пораст на новозаболени. Вирусот е присутен и во Македонија од 26 февруари 2020.

Кои се симптомите?

За да се појават симптомите потребни се 2 до 14 дена. Најчести симптоми се покачена температура, сува кашлица, замор и потешкотии при дишењето. Најголемиот број заболени (околу 80%) имаат благи симптоми кои наликуваат на грип или лоша настинка. Некои луѓе воопшто не развиваат симптоми, но може да ја пренесат болеста на други.

Како да се заштитам себеси и другите?

Добар совет во време на пандемија е да се однесуваме како сите, па и самите да сме заразени. Ова значи, минимизирање на контактот со други луѓе и држење на дистанца од 1 до 2 метри, поретко излегување од дома, често и долго (до 20 секунди) миење на рацете и избегнување на допирање на лицето.

Каде да се информирам повеќе?

Во време на пандемија, а воедно и на лажни вести и clickbait тактики, бидете внимателни од каде конзумирате вести. IT.mk ви препорачува да ги следите официјалните сајтови и проверени извори на информации:

- Официјална веб-страна на Министерството за здравство
- Официјална веб-страна на Владата на РСМ
- Неофицијална страна поддржана од Министерството за здравство
- често ажурирана страница за моменталната состојба на пандемијата. За секоја земја има и посебна статија.

Прочитај повеќе

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии