Aпликација на денот: Хрватската PhotoMath го освои американскиот App Store

Хрватската апликација PhotoMath од PhotoPay го надмина Facebook Messenger на американскиот App Store на Apple, и уште поимпресивно, стана најпопуларната бесплатна апликација на американскиот App Store, јави Netokracija. Дел од популарноста на апликацијата секако се должи и на тоа што беше дел од стартап натпреварувањето TechCrunch Disrupt кој се одржа во Лондон, и за неа пишуваа реномирани ИТ блогови и светски медиуми.

PhotoMath е апликација која помага не само со брзо решавање на математичките проблеми, туку и нуди помош со решавање на проблемите чекор по чекор. Апликацијата може да ви помогне доколку имате проблеми со основни аритметички операции, дропки, децимални броеви, линеарни равенки и уште неколку други функции. Тоа што ја прави апликацијата волку популарна е едноставноста при користењето. PhotoMath може да препознае формули и математички проблеми со едноставно насочување на камерата на телефонот, а доаѓа и со црвен маркер на екранот кој покажува каде треба да се смести формулата.

Нови функции се додаваат со секоја надградба на апликацијата, а можеби единствен недостаток е што во моментов не постои можност за вчитување на рачно напишан текст, туку единствено испечатени проблеми.

PhotoMath from MicroBLINK on Vimeo.

1 коментар на “Aпликација на денот: Хрватската PhotoMath го освои американскиот App Store

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии