Amazon започнува да пренесува фудбалски натпревари

Дејан Соколоски

во Свет

Amazon продолжува со додавање на содржини на својата платформа Amazon Prime. Компанијата ќе има право да стрима во живо 20 натпревари од Премиер лигата. Со ова компанијата е прва од американските гиганти која потпиша договор со спорт кој не е дел од националните лиги. Договорот започнува со реализација од 2019 година и ќе трае следните три години, јави BBC.

Amazon ќе може да емитува 10 натпревари кои ќе се играат на „Boxing Day“ и уште 10 натпревари кои ќе бидат на сред недела.

Цената која Amazon ја платил за овие натпревари не е објавена. За споредба, британската телевизија плати 975 милиони фунти за пренос на три години. Во овој период BT може да пренесува 52 натпревари во живо. Преостанатите натпревари ќе ги пренесува Sky Sports, а цената која тие ја платија е 3.75 милијарди фунти.

Натпреварите ќе им бидат достапни бесплатно на претплатниците на Amazon Prime.

Со ова, спортското портфолио на Amazon е импресивно. Компанијата го пренесува и US Open, Australian Open и French Open. Освен фудбал и тенис, компанијата пренесува и натпревари од NFL и MLB лигите.

Глобално Amazon има околу 100 милиони корисници.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии