Ако сакаат да пренесуваат во Европа, Netflix и Amazon ќе мора да имаат и повеќе локални содржини

Дејан Соколоски

во ИТ.ЕУ

Netflix, Amazon, но и сите компании кои сакаат да емитуваат програма во Европа ќе мора да се обврзат 30% од содржината која ја емитуваат да биде локална. Ова ќе биде обврска на новиот закон кој го подготвува Европската Унија.

За примена на овој закон е потребно да заврши и последното гласање. Претставникот на Европската комисија задолжен за комуникациски мрежи содржина и технологија, вели дека последното гласање е формалност.

Компаниите кои емитуваат содржини во Европа имаат 20 месеци да ја усогласат програмата, пренесе Variety. Државите членки можат да донесат одлука да го зголемат учеството на локална содржина на 40%. Со ова Netflix и Amazon ќе инвестираат во локалната содржина, што секако ќе го зголеми нивното присуство.

Унијата не застанува на ова. Се работи и на ново законско решение кое ќе им помогне на креаторите на содржина, на пример YouTube, но и сите слични платформи за да исплатат поголеми суми на креаторите на содржина која ја пренесуваат.

„Парадоксот е во тоа што во дигиталниот свет, платформите го добиваат најголемиот дел од заработката, а тие кои се креатори на содржината добиваат помал дел. Ова е јаз со вредностите кој го креира интернетот. Артистите и креативците, мора да можат самите да ги договорат своите услови“, вели Роберто Виола.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии