Google може да изгуби трпение со Nest по лошите продажби

Image courtesy of Nest/Facebook

Дали една од најголемите IoT компании, Nest, може да биде заборавена како уште еден неуспешен експеримент на Google? Google потроши над 3 милијарди долари да го купи Nest во 2014-та година, но сега приходите се под очекуваното, и Google може да изгуби трпение со проектот, вели Recode.

Nest направи 340 милиони долари во продажба минатата година, и иако заработува 40 милиони повеќе од проекцијата од 300 милиони годишно која е предвидена од Google, проблем е што во оваа сума е вклучена и заработката од Dropcam. Dropcam не беше од првичната пресметка бидејќи Nest ја купи за 555 милиони долари шест месеци подоцна.

Nest ги продава паметниот термостат, паметен против-пожарен аларм и камерата Dropcam. Во 2014 година камерата се продавала подобро од двата други производи на компанијата, но по ребрендирањето и нејзината продажба е намалено, тврдат извори за Recode. Доколку Google е заинтересиран за креирање на оперативен систем за Интернет на нештата, можно е да се реши да го продаде Nest бидејќи ќе нема корист од компанијата, но сепак да ги задржи правата за дел од технологијата за која се заинтересирани.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии