Хактивистите Anonymous продолжуваат со кампањата против Доналд Трамп. Групата се закани дека нападите против кандидатот за претседател на САД ќе кулминираат на 1 април, кога хакерите ветуваат дека ќе ги „урнат“ сајтовите на г. Трамп. Целта на нападите не е само да се срушат неговите вебсајтови, туку да се запре неговата кампања преку откривање на податоци кои би можеле да го засрамат. „Ова е повик за акција. Срушете му ги сајтовите, истражувајте и објавете го она што го крие од јавноста. Потребно е да ја деконструираме неговата кампања и да го саботираме неговиот бренд“, вели Anonymous.

Главната причина за ова е г. Трамп кој во своите говори шири омраза и нетолеранција. Дел од изјавите на Трамп во кој ги напаѓа Мексиканците, жените, муслиманите се присутни и во објавата на Anonymous. Цел на нападите ќе бидат TrumpChicago.com, donaldjtrump.com, trump.com, trumphotelcollection.com, donaldtrump2016online.com и citizensfortrump.com, вели Engaget.

На почетокот на месецот дел од членовите на Anonymous споделија телефонски разговори за кои тврдеа дека се на г. Трамп, иако до сега немаше никаква официјална потврда.

Коментирај

Вашата адреса за е-пошта нема да биде објавена.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*

Слични статии